الاخبار

بحث مخصص

Thursday, March 27, 2008

OpenLinaلتشغيل برامج لينكس على أنظمة أخرى





وظيفته الاساسية هي تشغيل البرامج مفتوحة المصدر التي تعمل على نظام لينكس على ويندوز وماك OSx

بنفس المظهر والاحساس -كما يعبر موقع البرنامج - وكذلك يتيح أدوات تطوير لعمل تطبيقات مفتوحة المصدر لبيئة لينكس من النظامين

المذكورين وهو بذلك يحاول سد فجوة بين التطبيقات مفتوحة المصدر والتي غالبا ما تكون مصممة للينكس واصحاب الانظمة الشهيرة

المغلقة


لتحميل البرنامج من هنا



احذروا المنتديات العربية للاستهبال والاستنطاع

بسم الله الرحمن الرحيم

احذروا المنتديات العربية

ليس تجنى وانما من واقع التجربه معهم للاسباب التاليه:

عند بدايه التسجيل بأى منتدى عربى يطلب بيانات عنك انته مالك هو انته وزارة الداخليه ولا تتبع أحد اجهزة جمع المعلومات ببلدك اللى هى يطلق عليها انتم عارفين... مافيه برامج بتعطيك حتى عنوان الشارع اللى العضو ساكن فيه ومنين جه اتصاله يبقى ايه لزومه ولا هى غتاته وخلاص ولا انته بالمنتدى عندك بضاعه مش عند حد انته بتسرق برامج زيك زى غيرك يبقى ليه بقى البيانات دى طبعا كلنا بنديكم بيانات مزيفة زى وشوشكم العكرة

طيب وكمان حاجه مهمه تلاقى الواحد من دول فاتح منتدى وهو مايعرفش فى البطيخ وعامل اغانى وتقنى وتصوير وجرافكس هو الباشا بتاع ايه وبيفهم فى ايه بالظبط فضحتونا خلى منتداك يدور حول نوع معين. خلاص النت مفتوح والترجمة مفتوحة بضاعتك عند غيرك وبعرض أحسن منك

وأحلى حاجه الواحد من دول فاتح منتدى تصبيرة وعاوز الاعضاء يناموا عندة فى السبنسه ولاهو بيقدم حاجه مفيده ولاخبرة ويزعل لو عضو وضع توقيع لمدونته او موقعه يعنى بالعربى عاوزك تشتغل عنده بالسخرة ايه الاستهبال على الاستعباط ده ويقرفنا كل شويه باميل المواضيع الفلانيه كل المنتديات العربيه مثل بعضها الا من رحم ربى

يعنى اترك العضو على راحته هو انته فاتح المنتدى تجمع معلومات عن الناس ولا حد قالك افتح منتدى لجمع المعلومات علشان تشوف افكار الناس بالمنطقه الفلانيه لا يناصح طز فيك وفى منتداك اللى بنعرفه لما نلاقيك طالب معلومات عن الفرد مالكش صالح فيها بنقفل صفحه المنتدى فى وشك ونشوف غيرك ولا لما نلاقيك ياحلو بترفض تواقيعنا الشرعيه برضه بنقفله فى وشك وجميع برامجكم مشبوهه زيكم ...

شوفوا كمان المنتديات الاجنبيه المنتدى متخصص بحاجه واحده بس ويبد فيها مش سلطه بابا غنوج وكمان عاوزين مشرفين ببلاش كل واحد ادمن عاوز طقم معقد زيه اللى يقوله هو وصاحب الموقع عاوزة يمشى ايه الفكر المنغلق ده اتركوهم وكل واحد يعمل له مدونه خاصه يخدم بيها اصحابه مدونه فى حاجه بيفهم فيها مش ناس معقده متخلفه الا من رحم ربى شويه ساقطين قيد ودبلومات وتعليم متوسط عاوز يعمل ادمن ومشرف على ناس احسن من اللى خلفوة ايوة فيه منتديات فيها ناس بتفهم ايوة ماهى التكنولوجيا عاوزة ناس بتفهم فيها مش فاشل دراسيا وفاتح له منتدى

وانا باحذر الفتيات والسيدات العربية من المنتديات التى لايهمها الا استقطاب النساء العرب لافساد افكارهم وهو راجل ومتخفى وراء اسم حرمه علشان مريض نفسيا او صاحب فكر مريض انتم عارفين علشان السافل يقعد فى استراحه الشباب بعد العشاء ويقول انا عندى منتدى بتلاته تعريفه الان تعمل منتدى والى الشباب العربى وقتكم اغلى من ان تقضيه بالمنتديات الفاشلة التى لاتسمن ولاتغنى من جوع منتديات تافهه تقوم على سرقه البرامج والمعلومات

الشباب تعلم حاجه مفيده تنفع بيها نفسك من النت بدل الشات والمنتديات الفاسده تخصص باى حاجه تحبها وشوف ازاى تربح منها بدل اللف على المنتديات المعقدة التى كم تسببت فى القاء القبض على شباب برىء علشان الحلو الادمن والمشرف العام دبوس ايوة دبوس احنا لانسمى منتديات معينه لكن لو اضطرتنا الظروف سنتكلم عن المنتديات الفاسده وتجارب الشباب معها كل منتدى تلاقية تقيل وطالب معلومات اقفله فى وش صاحبه والمنتديات العربية كلها عاوزة الولعه الا منتديات عربيه متخصصه فى حاجات معينه تفيد الشاب الدارس العربى

ايوة منتديات معروفه مفيدة لاغنى عنها انما اللى فاتحها سلظة ده ماينفعش يروح يفتح مطعم ولو انه غشاش برضه ماينفعش

ولا الحلو عامل اعلان مسابقه زى وشه علشان الناس تجرى عليه هو البعيد كان عبيط وهو صغير روح اشتغل بالحراج احسن لك

وانا اهه باكرر ياشباب افتح لك مدونة صادقه والناس هى التى تقرر واتعلم مش تروح على مائدة غيرك افتح لك واحده واتنين وتلاته طالما ان فكرك مش منحرف يبقى خايف ليه سيبك من هجص المنتديات وفيروساتها هو اللى كسبان مش انته........والبقية تأتى يابتوع منتديات الهجص والسرقه والاستهبال والاستنطاع